ცენტრალურ საარჩევნო კომისიაში პროკურატურა მუშაობს. როგორც ”ინტერპრესნიუსს" მთავარ პროკურატურაში განუცხადეს, აუდიტის დასკვნის საფუძველზე დაწყებულია გამოძიება.
არსებული ინფორმაციით, სახელმწიფო აუდიტის სამსახურის დასკვნის საფუძველზე დაწყებული გამოძიება ცესკოში ფინანსურ დარღვევას უკავშირდება.
ცენტრალურ საარჩევნო კომისიაში პროკურატურა რამდენიმე დღის წინ შევიდა.
შეგახსენებთ, აუდიტის სამსახურმა ჩაატარა 2013-2014 წლებში ცესკოს შესაბამისობის აუდიტი და დააფიქსირა სკანდალური დარღვევები ელექტრონული შესყიდვების, საოლქო კომისიების დაფინანსების დროს. ცესკოს წარმომადგენლებმა აუდიტორებს სამივლინებო და სხვა მნიშვნელოვანი ხარჯების დამადასტურებელი დოკუმენტეიც კი ვერ წარუდგინეს. მეტიც, აუდიტის შედეგად, ცესკო – ში ინტერესთა კონფლიქტის ფაქტებიც გამოვლინდა.