ანაკლიის პორტთან დაკავშირებით წინადადებების მიღება 14 დეკემბერს დასრულდება, – ამის შესახებ ჟურნალისტებს ეკონომიკისა და მდგრადი განვითარების მინისტრმა დიმიტრი ქუმსიშვილმა განუცხადა.
მისივე განმარტებით, ანაკლიის პორტი იქნება განხილვის ერთ-ერთი მთავარი თემა ჩინეთში ვიზიტის ფარგლებში, სადაც დღეს მიემგზავრება.
"14 დეკემბერს დასრულდება ბოლო და საუკეთესო წინადადებების შემოტანა. მე დღეს მივფრინავ ჩინეთში ეკონომიკური კომისის სხდომის გასამართად და მინდა გითხრათ, რომ ერთ-ერთი საკითხი, რომელზეც ამ კომისიაზე გვექნება საუბარი, არის სწორედ ანაკლიის პორტი. გვსურს,რომ ჩინურმა მხარემ კიდევ ერთხელ დაგვიდასტუროს მათი ინტერესი აღნიშნულ პროექტში მონაწილეობასთან დაკავშირებით", – განაცხადა დიმიტრი ქუმსიშვილმა.