ბულგარეთში ვიზიტად მყოფ საქართველოს პრემიერ-მინისტრ ირაკლი ღარიბაშვილს ბულგარეთის პრემიერ-მინისტრმა ბოიკო ბორისოვმა რესპუბლიკის მინისტრთა საბჭოში უმასპინძლა.
საქართველოს მთავრობის ადმინისტრაციის პრესსამსახურის ცნობით, პრემიერ-მინისტრების პირისპირ შეხვედრის მთავარი თემები იყო საქართველო-ბულგარეთს შორის არსებული კავშირები და წარმატებული თანამშრომლობა სხვადასხვა სფეროში განსაკუთრებით ეკონომიკაში, კერძოდ, ტრანსპორტისა და ვაჭრობის სექტორებში და ორი ქვეყნის ეკონომიკური ურთიერთობების გაღრმავების პოტენციალს.
ბულგარეთის პრემიერ-მინისტრმა კიდევ ერთხელ დაუდასტურა ქართველ კოლეგას საქართველოს ევროპული და ევროატლანტიკური მისწრაფებების, ქვეყნის ტერიტორიული მთლიანობისა და სუვერენიტეტისადმი ურყევი მხარდაჭერა.
საქართველოს პრემიერ-მინისტრმა ილაპარაკა საქართველოში განხორციელებულ დემოკრატიულ რეფორმებსა და ევროპული და ევროატლანტიკური ინტეგრაციის გზაზე ქვეყნის მიერ მიღწეულ პროგრესზე, მადლობა გადაუხადა ბულგარელ კოლეგას ნატო-ს არსებითი პაკეტის ცალკეული კომპონენტების განხორციელებაში მონაწილეობისთვის", – აცხადებენ საქართველოს მთავრობის ადმინისტრაციის პრესსამსახურში.