ბელგიაში სპეც ოპერაციის შედეგად ბოლო მონაცემებით, ტერორიზმთან შესაძლო კავშირში მყოფი 16 ადამიანია დაკავებული. მათ შორის არ არის პარიზის ტერაქტების შემსრულებელი სალაჰ აბდესლამი. ბელგიური მედია წერს, რომ ის სპეც რაზმმა გერმანიისკენ მიმავალ ავტო მაგისტრალზე შენიშნა, თუმცა მისი კვალი დაეკარგათ.
ქვეყანაში ტერორიზმის მეოთხე, ყველაზე მაღალი დონე დღეს შუადღემდე რჩება ძალაში. ამის შესახებ ბელგიის პრემიერმა საგანგებო პრეს კონფერენციაზე განაცხადა. ბრიუსელში ინციდენტიც მოხდა. პოლიციის მითითებას მანქანის გაჩერების თაობაზე ერთ-ერთი მძღოლი არ დაემორჩილა, რის გამოც მისი მისამართით ცეცხლი გახსნეს. მამაკაცი დაკავებულია, თუმცა მისი კავშირი ტერორიზმთან არ დასტურდება.
სპეც ოპერაციის მსვლელობის დროს ასევე ჟურნალისტებს ჰქონდათ მითითება, რომ თავი შეეკავებინათ Twitter-ის და სხვა სოციალური ქსელების საშუალებით ინფორმაციის ან ფოტო მასალის გავრცელებისგან.