გაეროს უშიშროების საბჭომ ერთხმად დაუჭირა მხარი საფრანგეთის მიერ შემუშავებულ რეზოლუციას ტერორიზმთან ბრძოლის გააქტიურების შესახებ .
რეზოლუცია 2249-ით საფრანგეთი მოუწოდებს გაეროს წევრ სახელმწიფოებს, "ყველა საჭირო ზომა მიიღონ "ისლამურ სახელმწიფოსთან" და სხვა ტერორისტულ დაჯგუფებებთან ბრძოლის მიზნით.
რეზოლუციაში ნათქვამია, რომ გაეროს წევრმა სახელმწიფოებმა უნდა გაანადგურონ ტერორისტებისთვის უსაფრთხო თავშესაფრები, რომლებიც ისლამურმა სახელმწიფომ და სხვა დაჯგუფებებმა ერაყისა და სირიის ტერიტორიაზე შექმნეს.
ასევე, "გააორმაგონ ძალისხმევა და შეთანხმებულად იმოქმედონ ტერორისტული თავდასხმების პრევენციისა და აღკვეთის მიზნით".
დოკუმენტი ასევე გმობს ლიბანში, ტუნისსა და თურქეთში განხორციელებულ მასშტაბურ ტერაქტებს.
რეზოლუციას გაეროს უშიშროების საბჭოს 15-ივე წევრმა დაუჭირა მხარი.