რეიტერსის ცნობით, აშშ პრეზიდენტმა ბარაქ ობამამ განაცხადა, რომ ,,ისლამური სახელმწიფოს'' ტერორისტების საბოლოო განადგურება ვერ მოხდება, სანამ სირიის ხელისუფლების სათავეში ბაშარ ასადი რჩება'' .
ობამა ამბობს, რომ ტერორსა და ძალადობას სირიაში ბოლო ვერ მოეღება, სანამ ქვეყანაში არსებული სიტუაცია პოლიტიკური დარეგულირების რეჟიმში არ გადავა, ამისთვის კი ასადმა პოსტი უნდა დათმოს.
სირიის პრეზიდენტმა გუშინვე იტალიის მასმედიისათვის მიცემულ ინტერვიუში განაცხადა რომ, მზად არის განიხილოს თავისი გადაგომის შესაძლებლობა ტერორისტებზე გამარჯვებიდან ორი წლის შემდეგ. ,, სანამ ტერორისტები სირიის მნიშვნელოვან რაიონებს აკონტროლებენ, რაიმე პოლიტიკური შედეგის მიღწევა შეუძლებელია – აღნიშნა მან.