"თავისუფალმა დემოკრატებმა" დღეს ზუგდიდში პარტიის ადგილობრივი ოფისი გახსნა. რომელსაც პარტიის ლიდერი ირაკლი ალასანია თანაგუნდელებთნ – ირაკლი ჩიქოვანთან, ალექსი პეტრიაშვილთან და მაია ფანჯიკიძესთან ერთად დაესწრო. შეხვედრას ასევე პარტიის მხარდამჭერები ესწრებოდნენ. ალასანიას განცხადებით, რეგიონული ოფისის გახსნა ხელს შეუწყობს პარტიის გაძლიერებას და წინასაარჩევნოდ მათთვის ძირითადი დასაყრდენი სამეგრელო და ზუგდიდი იქნება. პარტიის ლიდერების განცხადებით, პოლიტიკური ორგანიზაციის მთავარი ამოცანა 2016 წლის საპარლამენტო არჩევნებში გამარჯვება იქნება. თავისუფალი დემოკრატების პოლიტიკური მდივნის ირაკლი ჩიქოვანის განცხადებით, გასულ საპარლამენტო არჩევნებზე დაწყებულ ბრძოლას, 2016 წელს გამარჯვებით დაასრულებენ. "თავისუფალი დემოკრატების" ლიდერების განცხადებით, პარტიის ზუგდიდის ორგანიზაციას დავით ვერავა უხელმძღვანელებს,რომელიც ბანკ „რესპუბლიკას“ ზუგდიდის ოფისის ხელმძღვანელია.მათივე თქმით, პარტიის ოფისი ყოველდღიურ რეჟიმში იმუშავებს.