საქართველოს მთავრობასა და აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნულ პლატფორმას შორის თანამშრომლობის მემორანდუმი გაფორმდა.
ხელშეკრულება ასოცირების შეთანხმების დაგეგმვის, განხორციელებისა და მონიტორინგის პროცესში არასამთავრობო ორგანიზაციების ჩართულობას ითვალისწინებს.
ევროინტეგრაციის მინისტრი დავით ბაქრაძე შეხვედრაზე გამოეხმაურა კარასინის განცხადებასაც, რომელიც მან გაეროს წარმომადგენელთან შეხვედრაზე გააკეთა და აღნიშნა, რომ აუცილებელია ერთობლივი მექანიზმის ამუშავება აფხაზეთ–საქართველოს საზღვარზე ინციდენტებზე რეაგირებისა და მათი აღმოფხვრის მიზნით.
„ჩვენი პოზიცია არის მკაფიო, გალის რაიონთან ინციდენტების პრევენციის, ანუ თავიდან აცილების მექანიზმი უნდა აღდგეს, რათა თავიდან იქნას აცილებული ინციდენტები. ეს არის ის მექანიზმი, რომელიც ზუსტად ამას გულისხმობს, რომელიც განიხილება ჟენევის ფორმატში, აქედან გამომდინარე, ჩვენი პოზიცია არის მკაფიო, რომ ეს უნდა აღდგეს,“ – განაცხადა დავით ბაქრაძემ