ქართველ არასამთავრობო ორგანიზაციებსა და ევროკომისარ ფედერიკა მოგერინის შორის შეხვედრა დაგეგმილზე დიდხანს გაგრძელდა.
შეხვედრაზე მთავარი განსახილველი საკითხი მედიის თემა და რუსთავი2-ის საქმე იყო. როგორც გაირკვა ევროკომისარს უიკვე ჰქონდა ინფორმაცია ამ ტელეკომპანიის ირგვლივ შექმნილი ვითარების შესახებ.
"რამდენიმე წლის წინ, როცა გვეკითხებოდნენ, თუ როგორი იყო მედიაგარემო საქართველოში ჩვენ ვამბობდით, რომ ამ თვალსაზრისით იყო მიღწევები. დღეს ვამბობ, რომ სახეზე გვაქვს საგანგაშო ტენდენციები,"- განაცხადა ,,საერთაშორისო გამჭვირვალობა საქართველოს'' ხელმღვანელმა ეკა გიგაურმა შეხვედრის შემდეგ.
,,ევროკომისარმა ცალსახად დააფიქსირა პოზიცია, რომ მედია პლურალიზმი განსხვავებული აზრი და მისი განვითარება ქვეყნისთვის არის ძალიან მნიშვნელოვანი," – განაცხადა ახალგაზრდა იურისტთა ასოციაციის ხელმძღვანელმა ანა ნაცვლიშვილმა.