პრეზიდენტის მრჩეველმა კახა კოჟორიძემ ეკონომიკის მინისტრის დიმიტრი ქუმსიშვილის განცხადებაზე კომენტარში განაცხადა, რომ პრეზიდენტმა და პრეზიდენტის ადმინისტრაცია რეზიდენციის შეცვლას არ განიხილავს.
,,ჩვენ დაახლოებით წელიწადნახევრის წინ გავეცით ოფიციალური წერილობითი პასუხი ამ საკითხზე – პრეზიდენტი სადმე სხვაგან გადასვლას არ აპირებს. ეს არის ოფიციალური პასუხი და პოზიცია არ შეცვლილა. ათონელის შენობის ბედი არ ეხება პრეზიდენტის ადმინისტრაციას. ეს მთავრობას უნდა ჰკითხოთ, რას უპირებენ ათონელის რეზიდენციას“ – განაცხადა პრეზიდენტის მრჩეველმა.
შეგახსენებთ, ქუმსიშვილის მიერ დღეს გაკეთებული განცხადებით, სასურველია სწრაფად გადაწყდეს ათონელზე მდებარე რეზიდენციასი პრეზიდენტის გადასვლის საკითხი. ამ შენობის ,, არსებული სახით შენარჩუნების მიზნით, მთავრობას ყოველთვიურად "ფულის დახარჯვა" უწევს. ბატონ ბიძინას ნამდვილად აქვს უფლება, რომ შეშფოთება გამოთქვას ამ მიმართულებით''. – აღნიშნა დიმიტრი ქუმსიშვილმა, გულისხმობდა რა ივანიშვილის განცხადებას, რომ თუ გადაწყვეტილება დროულად არ იქნა მიღებული, იგი ,,ხმის ამოღებას'' აპირებს.