შსს-ს პრესსამსახურის ცნობით, გუშინ საღამოს ზუგდიდში ოჯახური კონფლიქტის ნიადაგზე მკვლელობა მოხდა – 37 წლის მამაკაცს დედა შემოაკვდა. სავარაუდოდ, მან ხელი ჰკრა ქალბატონს, რა დროსაც იგი ტელევიზორის მაგიდას დაეჯახა.
შემთხვევის შედეგად ტელევიზორი გადმოვარდა და ქალს დაეცა. იგი ადგილზე გარდაიცვალა. არსებული ინფორმაციით, მამაკაცს ფსიქიკური პრობლემები ჰქონდა და ხშირად მოსდიოდა დედასთან შელაპარაკება.
შსს – ს ინფორმაციით მომხდარში ბრალდებული დაკავებულია, გამოძიება 108-ე, განზრახ მკვლელობის მუხლით მიმდინარეობს.