,,სამართლიანი არჩევნების'' დირექტორი  ნინო ლომჯარია ურთმელიძის განჩინებას აფასებს: „აღნიშნულ განჩინებაზე ჩემი შთაბეჭდილებაა: თუკი, აქამდე შეიძლებოდა კიდევ ყოფილიყო რაიმე ტიპის ეჭვი, რომ სასამართლოს ქმედებები, შესაძლებელია, ემსახურებოდა მხარეთა უფლებების დაცვას, ამ შემთხვევაში, უკვე ძალიან ღია და აშკარაა ის, რომ მოსამართლე ცდილობს სარედაქციო პოლიტიკის შეცვლას. აქ რამდენჯერმე გაჟღერდა, მოსამართლეს ნახსენები აქვს, რომ საზოგადოებისთვის მნიშვნელოვანია, რომ ეს ტელეკომპანია აშუქებდეს სამართლიანად და ობიექტურად მოვლენებს. თუმცა, მას არანაირი მტკიცებულება არ მოჰყავს და არც მსჯელობს იმაზე, თუ რატომ ფიქრობს, რომ დღევანდელი სარედაქციო პოლიტიკა უსამართლოა და ამბობს, რომ იმისათვის, რომ ეს სარედაქციო პოლიტიკა ემსახურებოდეს საზოგადოებას, საჭიროა დროებითი მმართველობა შემოვიდეს ტელევიზიაში“, – განაცხადა ნინო ლომჯარიამ.