ჩვენ აუცილებლად ვაიძულებთ ხელისუფლებას კანონს დაემორჩილოს – განაცხადა საქართველოს რეფორმების ასოციაციის დამფუძნებელმა ელენე ხოშტარიამ დიპლომატიურ კორპუსთან არასამთავრობო ორგანიზაციების მიმდინარე შეხვედრის წინ.
,,საერთაშორისო გამჭვირვალობა-საქართველოს" ოფისში, არასამთავრობო ორგანიზაციების წარმომადგენლები "რუსთავი 2"-ის საქმესთან დაკავშირებით საქართველოში აკრედიტებულ დიპლომატიურ კორპუსს ხვდებიან. როგორც ისინი აცხადებენ, შეხვედრის მიზანია საერთაშორისო ორგანიზაციებს და საელჩოებს გააცნონ საქალაქო სასამართლოს გუშინდელი გადაწყვეტილება და ინფორმაცია ის სამართლებრივი არგუმენტები, რაც ადასტურებს, რომ მოსამართლის გადაწყვეტილება იყო დაუსაბუთებელი, უკანონო და ეწინააღმდეგებოდა საკონსტიტუციო სასამართლოს გადაწყვეტილებას.
,, ის რაც დღეს მედიაგარემოში ხდება, არის საგანგაშო, დღეს ჩვენ დავინახეთ, რომ სასამართლომ გადასცა მართვის უფლება მხარეს. ის გადაწყვეტილება, რაც მიიღო საკონსტიტუციო სასამართლომ აღსრულებასთან დაკავშირებით, ამით ფაქტობრივად დარღვეული იქნა, რადგან მართვის უფლება გადაეცა მხარეს. ის ადამიანები ვინც შემოვლენ მმართველობაში, არ არიან მიუკერძოებელი მოთამაშეები და წარმოადგენენ მხარეს", – განაცხადა ,,საერთაშორისო გამჭვირვალობა – საქართველოს" აღმასრულებელმა დუირექტორმა ეკა გიგაურმა.
"სამართლიანი არჩევნების" ხელმძღვანელის ნინო ლომჯარიას თქმით, ,, საერთაშორისო საზოგადოების მხრიდან არის ძალიან მაღალი ინტერესი ამ საქმის მიმართ . გვსურს მათ მივმართოთ დიპლომატებს თხოვნით, ხელისუფლების წინაშე მათ ხელთ არსებული რესურსის საშუალებით ძალიან მწვავედ დააყენონ მედიის დამოუკიდებლობის და ხელშეუხებლობის საკითხი",