საქართველოში აშშ-ის ელჩის მოადგილე ნიკოლას ბერლინელი იუსტიციის მინისტრ თეა წულუკიანს პასუხობს. ის ფიქრობს, რომ მნიშვნელობა არა დეტალებს, არამედ წამოწეულ საკითხებს აქვს.
"მოვისმინე იუსტიციის მინისტრის განცხადება. ვფიქრობ, მნიშვნელოვანია, მთლიანობაში შევხედოთ იმას, რაც ელჩმა თქვა, მოგვარდეს ის საკითხები, რაც მან ამ განცხადებაში მკაფიოდ წამოწია და არ გამახვილდეს ყურადღება მხოლოდ ამ განცხადების პატარა დეტალებზე", – თქვა ბერლინელმა.
დღეს წულუკიანმა გავრცელებულ განცხადებასთან დაკავშირებით აშშ-ის საელჩოსგან განმარტება მოითხოვა."მე მინდა, მეგობრულად ვთხოვო აშშ-ის საელჩოს საქართველოში, განმიმარტოს, რას ნიშნავს "ღამით მომხდარი პროცესები" და ხელი დამიდოს იმ დოკუმენტზე, იმ პროცესზე, რომელიც სახელმწიფომ განახორციელა ღამით.