დღეს საქართველოში ევროკავშირის 2015 წლის კულტურის კვირეული იწყება. კვირეულის თემაა – კულტურული კავშირები და მიზნად ისახავს  ხაზი გაუსვას საქართველოსა და ევროკავშირის ქვეყნების საერთო კულტურულ ფასეულობებს  მუსიკის, ვიზუალური ხელოვნების, ლიტერატურისა და თეატრის დახმარებით.

კვირეული ტადება   ევროკავშირის წარმომადგენლობის ორგანიზებითა და ევროკავშირის წევრი სახელმწიფოების მონაწილეობით. მის ფარგლებში საქართველოს 7 ქალაქში, მათ შორის ფოთში დაგეგმილ ღონისძიბებში  მონაწილეობას მიიღებს  30-ზე მეტი ხელოვანი ევროკავშირის რვა ქვეყნიდან: ლიტვიდან,  გერმანიიდან, პორტუგალიიდან, ავსტრიიდან, პოლონეთიდან, ჰოლანდიიდან , ბულგარეთიდან და საფრანგეთიდან. 

ღონისძიებები გაიმართება31 ოქტომბრიდან 8 ნოემბრამდე,   ფოთს გარდა თბილისში, ახალციხეში, თელავში, ქუთაისში, სიღნაღსა და რუსთავში. 

ნებისმიერ ღონისძიებაზე დასწრება თავისუფალია. ღონისძიებათა ფართო სპექტრი შესაძლებლობას აძლევს ყველა მსურველს, შეიცნოს კულტურა, რომელიც გვაერთიანებს – აცხადებს საქართველოში ევროკავშირის ელჩი იანოშ ჰერმანი.