დღეს პროკურატურაში დაბარებულმა რუსთავი 2“-ის გენერალურმა დირექტორმა ნიკა გვარამიამ იქ შემდგარი საუბრის შემდეგ განაცხადა, რომ საგამოძიებო უწყებამ მას კითხვები ალექსი ახვლედიანის ჩვენებასთან დაკავშირებით დაუსვა.
„გაფრთხილებული ვარ, რომ დეტალებისგან თავი უნდა შევიკავო და ვემორჩილები ამ მოთხოვნას, ერთადერთი რაც შემიძლია გითხრათ და რაზეც თანხმობა მივიღ, არის ის, რომ დამატებითი კითხვები იყო გამომდინარე ალექსი ახვლედიანის ჩვენებიდან“, – განაცხადა ნიკა გვარამიამ.
შეგახსენებთ, მთავარი პროკურატურის განცხადებით, სამაუწყებლო კომპანია რუსთავი 2 – ის გენერალური დირექტორის ნიკა გვარამიასა და ევროპის ახალგაზრდული ოლიმპიური ფესტივალი ,,თბილისი – 2015”-ის საორგანიზაციო კომიტეტის თავმჯდომარე ალექსი ახვლედიანთან პირველი საუბრის შემდეგ საგამოძიებო უწყებას აღეძრა დამატებითი შეკითხვები მათ ჩვენებებში არსებითი წინააღმდეგობების გამო.