უკრაინაში ადგილობრივი თვითმმართველობის არჩევნები ჩატარდა. წინასწარი მონაცემების თანახმად, კიევში, ლვოვში, ოდესასა და დნეპროპეტროვსკში არჩევნების მეორე ტურია მოსალოდნელი.
ეგზიტპოლების მიხედვით, კიევის მერის პოსტზე ვიტალი კლიჩკო ლიდერობს. მას ამომრჩევლის 40–მა პროცენტმა დაუჭირა მხარი, თუმცა, უკრაინის კანონმდებლობის თანახმად, მერის თანამდებობის დასაკავებლად დიდ ქალაქებში ხმების 50 პროცენტზე მეტის მოპოვებაა საჭირო.
ეგზიტპოლების მონაცემებით, ოდესის მერის პოსტზე მოქმედი მერი გენადი ტრუხანოვი ლიდერობს, მეორე ადგილზე ოდესის გუბერნატორის მიხეილ სააკაშვილის მრჩეველი ალექსანდრ ბოროვიკი.
როგორც "ბიბისი" იტყობინება, საკაშვილის მრჩეველი მარია გაიდარი საარჩევნო უბნიდან გააძევეს. ამის შესახებ თავად გაიდარი აცხადებს, ისამბობს, რომ ხმების დათვლის პროცედურას ესწრებოდა, რა დროსაც კომისიის წევრებმა ოთახის დატოვება უბრძანეს.
გაიდარის თქმით, პროცედურის დროს მასთან ერთად მისულმა დამკვირვებლებმა დარღვევები დააფიქსირეს და აღნიშნულის შესახებ განაცხადს სამართალდამცავ ორგანოში შეიტანს.
საერთო ჯამში უკრაინის მასშტაბით ცენტრალურ რეგიონებში პრეზიდენტ პეტრე პოროშენკოს ბლოკი ლიდერობს. არჩევნები სეპარატისტების მიერ კონტროლირებად ტერიტორიებზე არ ჩატარებულა.