დღეს დილიდან, "ქართული ოცნების" ოზურგეთის ორგანიზაციის ოფისზე ცოცხებია მიმაგრებული. ამის შესახებ "გურიის მოამბეს" თვითმხილველებმა აცნობეს. ადგილზე მისულ ჟურნალისტებს მხოლოდ ცოცხები და ცარიელი ოფისი დახვდათ.ჯერჯერობით არ გაკეთებულა განცხადებები "ქართულ ოცნებაში". ადგილზე არც სამართალდამცავები იმყოფებიან.
შეგახსენებთ, გუშინ გადაცემაში "განსხვავებული აქცენტები" გამოქვეყნდა ე.წ. ციხის კადრების სრული ვერსია, სადაც ჩანს, რომ 2012 წელს გავრცელებული წამებისა და არაადამიანური მოპყრობის კადრების ნაწილი დადგმულია, ხოლო პატიმართა მწამებლად თავად პატიმრები უშუალოდ ლადო ბედუკაძეს ასახელებენ, რომელიც ამ კადრებს ვიდეოკამერით იღებდა.