რუსთავი 2 რუსული კომპანია reg.ru-ს სათაო ოფისს დაუკავშირდა, სადაც დაუდასტურეს, რომ ვებ ვერდის wikileaks.center–ის მომსახურებას სწორედ ისინი ახორციელებენ და მათ სერვერებზე ინახება ინფორმაცია, რომელსაც ვებგვერდი საქართველოში მიმდინარე პროცესებთან დაკავშირებით აქვეყნებს, თუმცა კონფიდენციალურობიდან გამომდინარე დამატებითი დეტალების დაზუსტებაზე უარი განაცხადეს.
Reg.ru-ს ოფისი მოსკოვში ვასილი პეტუშკოვის ქუჩაზე მდებარეობს და ის რუსეთში ჰოსტინგისა და დომეინების მომსახურების ერთერთ მსხვილ კომპანიად ითველება.
შეგახსენებთ, ვებგვერდი wikileaks.center 4 თვის წინ არის რეგისტრირებული. საიტის ანოტაციაში მითითებულია, რომ ის არის უკრაინული ვიკილიქსი.