მოდულის შენობიდან დაკითხვის დასრულების შემდეგ გამოსულმა გიგა ბოკერიამ, ნაციონალური მოზრაობის საერთაშორისო მდივანმა და ერთერთმა ლიდერმა, ჟურნალისტებთან საუბარში განაცხადა შემდეგი: ,, ეს სამარცხვინო და სასაცილო ეპიზოდი თავისთავად საერთოდ არ იქნებოდა განხილვის ღირსი, რომ არა ის კონტექსტი, რომელშიც დღეს ჩვენი ქვეყანა არის. რომ არა ის კონტექსტი, რომელშიც რუსთავი 2-ს ემუქრება ხელისუფლების კონტროლის ხელში გადასვლა, აქტივისტებს ემუქრებათ დაჭერა, პრემიერ მინისტრი ღიად მოუწოდებს თავის მომხრეებს ძალადობისკენ და ლინჩის წესით გასამართლებისკენ. ეს არის ის ძალიან სახიფათო მდგომარეობა ჩვენი კოსნტიტუციური წყობილებისთვის, რომელიც შექმნა ივანიშვილმა. მან ეს მდგომარეობა შექმნა იმიტომ, რომ კარგად ესმის, განწირულია მარცხისთვის შემდეგ არჩევნებში, თუ ეს არჩევნები მინიმალურ სტანდარტებს მაინც დააკმაყოფილებს და თუ ქვეყანაში იქნება ინსტიტუტები, რომელიც მას ძალაუფლების შენარჩუნებაში ხალხის ნების საწინააღმდეგოდ ხელს შეუშლის. ასეთი ინსტიტუტია რუსთავი 2, ასეთი ინსტიტუტია ნებისმიერი პოლიტიკური პარტია, რომელიც არ არის მისი კონტროლის ქვეშ და ნაციონალური მოძრაობა არის მთავარი, თუ ერთადერთი არა, სამწუხაროდ. ჩვენ ყველაფერი უნდა გავაკეთოთ იმისთვის, რომ ვერ გაიყვანოს ივანიშვილმა ქვეყანა კონსტიტუციური სივრციდან. მან უნდა იცოდეს, რომ თუ გააგრძელებს დაჯახებას საზოგადოებასთან, ის ძალიან ცუდად დაამთავრებს. შანსი არ ექნება პასუხისმგებლობას გაექცეს, თუ ის ამ გზას გააგრძელებს. ” – განაცხადა გიგა ბოკერიამ.
გიგა ბოკერია აცხადებს, რომ განხილვის ღირსად არ მიიჩნევდა ამ სამარცხვინო ეპიზოდს, რომ არა კონტექსტი, რომელშიც დღეს ქვეყანა იმყოფება
Published on