ეროვნული ვალუტა ისევ გაუფასურდა. ეროვნულმა ბანკმა დღეს ახალი გაცვლითი კურსი განსაზღვრა,
ხვალიდან ერთი ამერიკული დოლარის ღირებულება 2.4049 ლარი გახდება.
რაც შეეხება კომერციულ ბანკებს, საქართველოს ბანკში ერთი აშშ დოლარის ღირებულება 2.4400 ლარია, VTB ბანკში 2.4250, TBC ბანკში 2.4350, ხოლო პროკრედიტ ბანკში 2.4270 ლარი.
ეროვნული ბანკის ახალი მონაცემებით ეროვნული ვალუტა ევროსთან მიმართებაში 0.0388 ლარით გამყარდა. ხვალიდან ერთი ევროს შეძენა 2.6687 ლარად იქნება შესაძლებელი.