ევროპის სახალხო პარტიამ მადრიდში გამართულ ყრილობაზე ერთხმად მიიღო რეზოლუცია – "დემოკრატიის უკუსვლა საქართველოში", რომლის 5 პუქტიდან ორი ტელეკომპანია რუსთავი 2-ის წინააღმდეგ მიმდინარე პროცესებს ეხება.
დოკუმენტის თანახმად, რუსთავი 2-ის სარედაქციო პოლიტიკის შეცვლის მიზნით დაწყებულ კამპანიას საქართველოს მთავრობა უჭერს მხარს, ტელეკომპანიის მხარდამჭერი აქციის მონაწილეები კი წინასასამართლო პატიმრობაში იმყოფებიან.
"ეს სახიფათოა ტელეარხისთვის, მედიის პლურალიზმისთვის, გრძელვადიან პერიოდში კი ქართული დემოკრატიისთვის. დღეს, ამიტომაც წამოვწიეთ კონგრესზე კონკრეტულად რუსთავი 2-ის საკითხი და მომავალ კვირას პარლამენტის სხდომაზეც დავაყენებთ. რადგან ტელეარხის ხელში ჩაგდება სასამართლოს მანიპულირების გზით გაუგონარი რამაა და ეწინააღმდეგება დემოკრატიული საზოგადოების პრინციპებს. ეს იქნება უარყოფითი სიგნალი საქართველოს ევროკავშირთან ასოცირების ფონზე" – განაცხადა EPP-ის წევრმა იაცეკ სარიუშ ვოლსკიმ.