სოფლის მეურნეობის პროექტების მართვის სააგენტოს მენეჯერმა ლევან დოლიძემ დღეს ზუგდიდის მუნიციპალიტეტის გამეობის დარბაზში სამეგრელოს თვითმმართველობის წარმომადგენლებს და ადგილობრივ ფერმერებს პროგრამაში „დანერგე მომავალი“ შეტანილი ცვლილებები გააცნო. პროგრამის მეორე ეტაპში მონაწილეობის მსურველთა რეგისტრაცია 1 სექტემბერს დაიწყო და ამ დრომდე სოფლის მეურნეობის პროექტების მართვის სააგენტოში 21 განაცხადია შესული. აღნიშნული პროექტის მენეჯერის ლევან დოლიძის განმარტებით, მეორე ეტაპის დაწყებისთანავე პროგრამაში ცვლილებები შევიდა, თუმცა უცვლელი დარჩა სახელმწიფო თანადაფინასების პრინციპი.პროექტის ფარგლებში 14 ბენეფიციარზე გაცემულია 575 ათასი ლარის დაფინანსება, 89 ჰექტრამდე მიწის ფართობზე გაშენდა სხვადასხვა სახეობის ხილის კულტურები.პროგრამის ფარგლებში, 2 წლის განმავლობაში დაგეგმილია 15 მილიონი ლარის დახარჯვა, ამასთან 1 00 – 1 200 ჰექტარზე თანამედროვე ტიპის ბაღის და 30 – 40 ახალი, თანამედროვე სანერგე მეურნეობის გაშენება.