საქართველოს პრეზიდენტი და პირველი ლედი ისრაელში იმყოფებიან.
დღეს გიორგი მარგველაშვილი ისრაელის პრეზიდენტს პირისპირ გაესაუბრება, რის შემდეგაც გაიმართება გაფართოებული შეხვედრა ქართული დელეგაციის მონაწილეობით
საუბრის ძირითადი თემა უსაფრთხოება და საქართველოში ინვესტიციების მოზიდვა იქნება.
გიორგი მარგველაშვილი ისრაელის პრემიერმინისტრს და ქნესეთის თავმჯდომარესაც შეხვდება. ასევე დაათვალიერებს ჰოლოკოსტის მუზეუმს.
ვიზიტის ფარგლებში ისრაელის ბავშვთა კლინიკებს მოინახულებს საქართველოს პირველი ლედი.
ვიზიტის დასასრულს საქართველოს პრეზიდენტი კვლევით ცენტრ IDC-ში სტუდენტებსა და მკვლევარებს სიტყვით მიმართავს.
პრეზიდენტის და ქართული დელეგაციის სახელმწიფო ვიზიტი ისრაელში 20 ოქტომბერს დასრულდება.