საქალაქო სასამართლოში რუსთავი 2-ის საქმის განხილვა რამდენიმე წუთში დაიწყება, სხდომათა დარბაზში არასამთავრობო ორგანიზაციების წარმომადგენლები და პოლიტიკოსები იმყოფებიან, მათ შორის   თავისუფალი დემოკრატები, ახალი მემარჯვენეები, ნაციონალური მოძრაობის წარმომადგენლები, ეროვნულ დემოკრატები და სხვა ოპოზიციური პოლიტიკური პარტიების წარმომადგენლები. პოლიტიკოსები ამბობენ, რომ ისინი თავად აკვირდებიან მოვლენათა განვითარებას და ამბობენ, რომ არ დაუშვებენ რუსთავი2-ის და სიტყვის თავისუფლების შეზღუდვას. სხდომას საქალაქო სასამრთლოში რუსთავი 2-ის ცნობადი სახეებიც ესწრებიან. "ჩენ მარტო სიტყვის თავისუფლება დაგვრჩა და არ დავთმობთ,"- ამ ლოზუნგით სოლიდარობის აქცია მიმდინარეობს თბილისის საქალაქო სასამართლოს ეზოში. შეკრებილი მოქალაქეები ამბობენ, რომ არ დაუშვებენ "რუსთავი 2-ის" დახურვას. მიმდინარე პროცესების უკან კი აქციის მონაწილეები მთავრობას ხედავენ. "მოვედით სიმართლის დასაცავად, ქვეყნის დასაცავდ. ჩვენ არ დავუშვებთ წაგვართვან სიტყვის თავისუფლება,"- აცხადებენ აქციის მონაწილეები.