NDI: ქართული ოცნება – 24%, ენმ – 16%, თავ.დემ – 5%, გადაუწყვეტელი – 45%

ეროვნულ-დემოკრატიული ინსტიტუტის კვლევის თანახმად, ხვალ რომ საპარლამენტო არჩევნები იყოს, იმ გამოკითხულთა 24%, რომელიც არჩევნებზე მისვლას აპირებს, ქართულ ოცნებას დაუჭერდა მხარს, ხოლო 16% – ერთიან ნაციონალურ მოძრაობას. იმ გამოკითხულთა 5%, ვინც არჩევნებზე მისვლას აპირებს, თავისუფალ დემოკრატებს დაუჭერდა მხარს, 4% – საქართველოს პატრიოტთა ალიანსს, ხოლო 3-3% ლეიბორისტულ პარტიას და "სხვას". აღსანიშნავია, რომ 45% არცერთ პარტიას არ დაუჭერდა მხარს ან კითხვაზე პასუხი არ აქვს. NDI-ის კვლევის მიხედვით, ხვალ რომ საპარლამენტო არჩევნები ტარდებოდეს, გამოკითხულთა 56% მივიდოდა, 44% – არ მივიდოდა.