ირანული გამოცემა IRNA იტყობინება, რომ ერაყში, სამთავრობო ძალების მიერ განხორციელებული ავიაიერიშების შედეგად „ისლამური სახელმწიფოს“ ლიდერი აბუ-ბაქრ ალ ბაღდადი დაიჭრა. ზოგიერთი წყარო ავრცელებს ინფორმაციას ალ-ბაღდადის გარდაცვალების შესახებაც კი, თუმცა ეს ჯერჯერობით არ დასტურდება.
გავრცელებული ცნობით, ავიაიერიშები ტერორისტების ავტომობილებზე ერაყის ავიაციამ ანბარის პროვინციაში, ქვეყნის დასავლეთით განახორციელა. IRNA -ს ინფორმაციით, ალ-ბაღდადი სირიის საზღვარზე "ისლამური სახელმწიფოს" სხვა ლიდერებთან შესახვედრად მიემგზავრებოდა. იერიშის შედეგად დაიღუპა ალ-ბაღდადის მრჩეველი აბუ უმას აშ-შიშანი და ბოევიკების მეთაური აბუ ანის ალ-სური.