ზუგდიდის შალვა დადიანის დრამატულმა თეატრმა მაყურებელს გურამ დოჩანაშვილის ნაწარმოების მიხედვით დადგმული სპექტაკლის „ხორუმი ქართული ცეკვაა“ განახლებული წარმოდგენა შესთავაზა.
სპექტაკლის პრემიერა ზუგდიდში 2 წლის წინ გაიმართა და მას ავტორი გურამ დოჩანაშვილიც ესწრებოდა. როგორც დამდგმელი რეჟისორი ბადრი წერედიანი ამბობს,მაყურელის ინტერესი სპექტაკლისადმი ძალიან დიდია და თითოეული წარმოდგენა სრული ანშლაგით მიდის. სპექტაკლში დაკავებულია თითქმის მთელი დასი, პერსონაჟთა მრავალსახეობა და მდიდარი მასალა დასის თითოეულ წევრს თავისი შემოქმედებითი პოტენციალის გამოვლენის საშუალებას აძლევს.
როგორც ზუგდიდის შალვა დადიანის დრამატული თეატრის ხელმძღვანელობა გვპირდება, ახალ სეზონში იგეგმება ბევრი საინტერესო საღამო, რაც ძალზე მნიშვნელოვანია ქალაქის კულტურული ცხოვრების გამრავალფეროვნებისათვის.