ოკუპირებული აფხაზეთის შინაგან საქმეთა სამინისტროს პრეს-სამსახურის ცნობით, გუშინ, დაახლოებით დღის 2 საათზე გაგრის ცენტრალურ ბაზარში აფეთქება მოხდა. დაუდგენელმა პირმა ბაზრის დირექტორის კაბინეტში გაურკვეველი ნიმუშის ასაფთქებელი მოწყობილობა შეაგდო. რასაც ხანძარი მოჰყვა. მთლიანად დამწვარია კაბინეტი, მსხვერპლი არ არის. დაშავებულია ერთი ადამიანი, მოქალაქე იური ფროლოვი, რომელსაც მოწყობილობის ნამსხვრევები მოხვდა. იგი გადაყვანილია გაგრის საავადმყოფოში. მის სიცოცხლეს საფრთხე არ ემუქრება.