ხვალ ჟენევაში საერთაშორისო დისკუსიების მორიგი – 33-ე რაუნდი იწყება. სამუშაო შეხვედრებს ჯგუფები 6 – 7 ოქტომბერს გამართავენ.
შერიგებისა და სამოქალაქო თანასწორობის საკითხებში სახელმწიფო მინისტრის აპარატის ცნობით, ჰუმანიტარულ საკითხებზე მომუშავე ჯგუფის შეხვედრას შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ქეთევან ციხელაშვილი უხელმძღვანელებს. ქეთევან ციხელაშვილის განცხადებით, ჯგუფის ფარგლებში ცენტრალურ საკითხად კვლავ განხილული იქნება დევნილთა დაბრუნების, ასევე გამყოფ ხაზებზე გადაადგილების თავისუფლების საკითხები."ამასთან, ვაპირებთ მწვავედ დავაყენოთ გალის რაიონში ქართულ ენაზე განათლების საკითხი", – განაცხადა ქეთევან ციხელაშვილმა.