ოკუპირებულ აფხაზეთში გალის ე.წ. საბაჟოს სამმართველოს უფროსი ბესლან მალანძია მოკლეს.
გალის რაიონის ე.წ პროკურორი კახა პერტაია „სპუტნიკ აფხაზია“-ს კორესპონდენტთან საუბარში აცხადებს, მკვლელობა 2 ოქტომბერს, საღამოს 5 საათზე უნდა იყოს მომხდარი, თუმცა ცხედარი 8 საათზე იპოვეს სოფელ ტამიშში, სასაფლაოს ტერიტორიაზე, მისივე სახლის სიახლოვეს. მომხდართან დაკავშირებით აღძრულია სისხლის სამართლის საქმე. ადგილზე მუშაობენ ექსპერტ-კრიმინალისტები.
,,ირკვევა, რომ მალანძიამ მანქანა თავისი სახლიდან დაახლოებით 100-150 მეტრის მოშორებით გაჩერა. შესაძლოა, ის იცნობდა ადამიანებს, რომელთაც მანქანა შეაჩერებინეს, რადგან თავად გადასულა ფეხით გზის მეორე მხარეს, აქედან კი თრევით უტარებიათ სასაფლაოსკენ (ამაზე მეტყველებს იქ ნაპოვნი მისი ქუდი), სადაც მოუკლავთ კიდეც. იგი ერთი გასროლით არის მოკლული, ტყვია გულში აქვს მოხვედრილი.'' – აცხადებს პერტაია.
ბესლან მალანძია 2010 წლიდან მუშაობდა გალში საბაჟოს წამყვან ინსპექტორად, 2014 წლიდან კი საბაჟო სამმართველო ,,გალის" უფროსად, მინიჭებული ჰქინდა საბაჟო სამსახურის პოდპოლკოვნიკის წოდება.