,,საქართველოს სატრანზიტო როლის გაზრდა ქვეყანას აქცევს ტვირთბრუნვის ჰაბად''-განაცხადა პრეზიდენტმა მარგველაშვილმა ამერიკის საგარეო ურთიერთობათა საბჭოში გამართულ შეხვედრაზე და განმარტა, რომ ქვეყანაში ეკონომიკური ზრდის მაჩვენებელი დაეცა, რაც რეგიონში უსაფრთხოების კუთხით არსებული გარემოს ბრალია.
საქართველოს პრეზიდენტის გამოსვლა ნიუ იორკში ქართული დელეგაციის წევრებმა, იქ დამსწრე პოლიტოლოგებმა და ანალიტიკოსებმა შეაფასეს.
„ეს იყო საკმაოდ წარმატებული სიტყვით გამოსვლა,“ – ასე შეფასა საქართველოს პრეზიდენტის გამოსვლა ჟურნალისტმა ტომას გრემიმ.მისი თქმით, ამოცანა რთულია, რადგან საუბარია პატარა ქვეყანაზე, რომელიც დაივიწყეს რაღაც დროის შემდეგ.
„ჩვენ ყურადღებას ვამახვილებთ იმაზე, რაც ამჟამად ახლო აღმოსავლეთში სირიასა და უკრაინაში ხდება, ხოლო საქართველო რჩება ყურადღების მიღმა, თუმცა, აუცილებელია საქართველო ამ განხილვების ნაწილი იყო“ – განაცხადა ტომას გრემიმ.
საპარლამენტო უმცირესობის წევრის გიგი წერეთელის თქმით, დასავლეთი მუდმივად უნდა გრძნობდეს თანადგომის საჭიროებას, სანამ რუსეთს აგრესიული და რთული პოლიტიკა აქვს.