დიდი ბრიტანეთის ყოფილი პრემიერ-მინისტრი ტონი ბლერი საქართველოს ეწვევა. მთავრობის ადმინისტრაციის პრესსამსახურის ინფორმაციით, ტონი ბლერი საქართველოს პრემიერ-მინისტრმა ირაკლი ღარიბაშვილმა საქართველოში მოიწვია, რაზეც დიდი ბრიტანეთის ყოფილმა პრემიერ-მინისტრმა თანხმობა განაცხადა.
საქართველოს მთავრობის მეთაურის შეხვედრა ტონი ბლერთან ნიუ იორკში შედგა.
შეხვედრაზე საქართველოსა და რეგიონში მიმდინარე პოლიტიკური პროცესები განიხილეს.