„პუტინი კლავს“ – ნიუ-იორკში რუსეთის პრეზიდენტის, ვლადიმერ პუტინის წინააღმდეგ აქცია გაიმართა. ამის შესახებ "ლიგა.ნეტი", აშშ-ში უკრაინულ დიასპორაზე დაყრდნობით იტყობინება. ასობით ადამიანი უკრაინის დროშებითა და ტრანსპარანტებით ხელში ნიუ- იორკში რუსეთის წარმომადგენლობის შენობასთან შეიკრიბა და უკრაინაში კრემლის პოლიტიკა გააპროტესტა. როგორც ლიგა.ნეტი იტყობინება, საპროტესტო აქციების გამართვა დღესაც იგეგმება. უკრაინული სააგენტოს ინფორმაციით, აქციაში სახელწოდებით "პუტინი კლავს" აშშ-ში მცხოვრები ქართველებიც მიიღებენ მონაწილეობას. ერთ-ერთი აქცია, სახელწოდებით "პუტინი კლავს" ფონდ "თავისუფალი რუსეთის" მიერ იქნება ორგანიზებული. იგეგმება საპროტესტო მსვლელობის გამართვა ნიუ-იორკის ცენტრალური პარკიდან გაეროში რუსეთის წარმომადგენლობამდე. აქციის მონაწილეებს ზემოთ აღნიშნული პლაკატები ექნებათ, რითაც მსოფლიოს საზოგადოებრიობას შეახსენებენ რუსეთის დანაშაულს მალაიზიური ბოინგის ჩამოგდების საქმეში.