ვრცელდება ინფორმაცია, რომ საქართველოს პრეზიდენტი გიორგი მარგველაშვილი 15.00 საათზე გიგი უგულავას საქმესთან დაკავშირებით საგანგებო განცხადებას გააკეთებს.თუმცა პრეზიდენტის ადმინისტრაციას ამის შესახებ ოფიციალური განცხადება ჯერაც არ გაუკეთებია.
ადმინიტრაციის მიერ დღეს გავრცელებული განცხადების მიხედვით 15.00 საათზე დაგეგმილია საგარეო საკითხებში პრეზიდენტის მრჩევლის თენგიზ ფხალაძის პრესკონფერენცია და კონკრეტდება მხოლოდ ის, რომ პრესკონფერენციის თემაა ამერიკის შეერთებულ შტატებში პრეზიდენტის ვიზიტთან დაკავშირებული საკითხი.
შეგახსენებთ, რომ ნიუ-იორკში გაეროს გენერალურ ასამბლეაზე პრემიერ-მინისტრი ირაკლი ღარიბაშვილი მიემგზავრება, ხოლო პრეზიდენტი გიორგი მარგველაშვილი მიწვეულია ლიტვის პრეზიდენტის დალია გრიბაუსკაიტეს მიერ ნიუ-იორკში დაგეგმილ დისკუსიაზე – "აღმოსავლეთ ევროპის მომავალი: ქალთა როლის გაძლიერება"
შესაბამისად რამდენიმე წუთში გაირკვევა, დააფიქსირებს თუ არა პრეზიდენტი თავის პოზიციას საკონსტიტუციო სასამართლოს გადაწყვეტილერბასთან და გიგი უგულავას მიმართ კანონის აღსრულების საკითხში.