რამდენიმე წუთის წინ საქართველოს პრეზიდენტმა გიორგი მარგველაშვილმა საგანგებო განცხადება გაააკეთა საკონსტიტუციო სასამართლოს გუშინდელ გადაწყვეტილებასთან და გიგი უგულავას საქმესთან დაკავშირებით.
პრეზიდენტი აცხადებს, რომ "სახელმწიფოს უმთავრესი დანიშნულებაა ადამიანის უზენაესი უფლებების დაცვა. მართლმსაჯულების მიზანიც სწორედ ამ უზენაეს უფლებათა უზრუნველყოფაშია. საკონსტიტუციო და საერთო სასამართლოები უნდა იდგნენ ამ უფლებათა სადარაჯოზე.
საკონსტიტუციო სასამართლო გადაწყვეტილება არის საბოლოო და სავალდებულოა შესასრულებლად. შესაბამისად, საკონსტიტუციო სასამართლოს გუშინდელი გადაწყვეტილება დაუყოვნებლივ უნდა აღსრულდეს საერთო სასამართლოების მიერ. ჩვენ ყურადღებით ვადევნებთ თვალყურს ამ გადაწყვეტილების ყველა კონკრეტულ შემთხვევაში აღსრულების პროცესს".
რაც შეეხება საქართველოს პრემიერ-მინისტრის პოზიციას, იგი გიგი უგულავასთან დაკავშირებით საკონსტიტუციო სასამართლოს გადაწყვეტილებაზე კომენტარს ამ დრომდე არ აკეთებს.
შეგახსენებთ, ჟურნალისტების მიერ თსუ-ში აშშ-ის სან დიეგოს სახელმწიფო უნივერსიტეტის სტუდენტებთან შეხვედრის დროს დასმულ კითხვაზე უგულავასთან დაკავშირებით მან დემონსტრატიულად აუარა გვერდი პასუხს.