უკრაინის ხელისუფლება დღეს სრულიად პარალიზებულია და საჭიროა რეორგანიზაცია უკლებლივ ყველა დონეზე. თავისთავად, შესაცვლელია ხელისუფლება, ამის შესახებ ტყუილს ვერც ვიტყვი- განაცხადა ოდესის გუბერნატორმა 5 სექტემბერს უკრაინული ტელემაუწყებლობის, მე-5 არხის გადაცემაში,სადაც უკრაინის ხელისუფლების კორუფციასა და აუცილებელი რეფორმების შესახებ ისაუბრა.
გადაცემის წამყვანის კითხვაზე, -არ იცოდით, სად მოდიოდით?- სააკაშვილმა განაცხადა, რომ ძალიან კარგად იცოდა, როგორ ქვეყანაშიც მიდიოდა.
"მე ვაცნობიერებდი, რომ უკრაინას მთელი მსოფლიოსთვის უნდოდა ეჩვენებინა, რომ სხვანაირად, უკეთესადაც შეუძლია ცხოვრება და მეც დავნებდი მათ სურვილებს, ჩავერთე ამბების გარჩევაში და მინდა ვაღიარო, რომ, დიახ, მე თავს მოტყუებულად ვგრძნობ. ისინი სულ იტყუებიან, მეც სულ მატყუებენ. მე ვისმენ ტყუილებს ყოველ დღე და მიწევს მათთან გამკლავება. თვითონ სისტემა არის დანგრეული და არ მუშაობს. უბრალოდ წყაროები შეიცვალა, თორემ ხალხი, ვინც თანამდებობზე ისხდა, იგივე დარჩა.''
შეგახსენებთ, ურთიერთობა უკრაინის პრემიერ მინისტრ არსენი იაცენიუკსა და მიხეილ სააკაშვილს შორის ბოლო დროს განსაკუთრებით დაიძაბა. უკრაინის პრეზიდენტის პოროშენკოს განცხადებით, ამის საფუძველი არა პირადი ინტერესები, არამედ უკრაინის გზის განსხვავებული ხედვებია. ამ კონტექსტში საყურადღებოა უკრაინული ტელეარხ – 24 -ის საიტზე ჩატარებული გამოკითხვის შედეგები, რომლის თანახმად, გამოკითხულთა 57 % უკრაინის პრემიერ – მინისტრის პოსტზე მიხეილ სააკაშვილის დანიშვნას ისურვებდა.