. არაფერი არ არის გასაკვირი და უცნაური იმაში, რომ მოსახლეობის ნაწილს გაურთულდა სესხების მომსახურება, განსაკუთრებით მათ, ვისაც დოლარში ჰქონდა სესხი გაეზარდათ სესხის მომსახურების ტვირთი. შესაბამისად, ვისთვისაც ეს მნიშვნელოვან პრობლემად იქცა, მათ უნდა მიაკითხონ კომერციულ ბანკებს და მოსთხოვონ მათ რესტრუქტურიზაცია საკუთარი საკრედიტო ხელშეკრულებების. ხოლო მეორე მხრივ, ბანკებმა უნდა გამოიჩინონ მაქსიმალური მოქნილობა და არავითარ შემთხვევაში არ დააკისრონ მოსახლეობას გაზრდილი პროცენტი და დამატებითი საურავები რესტრუქტურიზაციის სანაცვლოდ. მითუმეტეს, მიუღებელია მუქარა ე.წ. შავ სიაში მოხვედრით და ა. შ.", – განაცხადა დღეს ჯურნალისტებტან საუბარში ეროვნული ბანკის პრეზიდენტმა გიორგი ქადაგიძემ.
მისი განცხადებით, მნიშვნელოვანია, მთავრობამ, განსაკუთრებით ეკონომიკური ბლოკის მინისტრებმა დააფიქსირონ თავისი პოზიცია რეფინანსირების ინსტრუმენტთან და მთლიანად მონეტარულ პოლიტიკასთან დაკავშირებით, ხოლო საბანკო სექტორმა გამოიჩინოს მაქსიმალური მოქნილობა და სოციალური პასუხისმგებლობა. ქადაგიძის განცხადებით, ამ პროცესებს ეროვნული ბანკი ძალიან დეტალურად გააკონტროლებს და პროცესის მონიტორინგს განახორციელებს.