დღეიდან ძალაში შედის პენსიების ცვლილება 

“ასაკით პენსიონერების პენსია 160 ლარი გახდება. მომავალი თვის 15 რიცხვიდან, ყველა პენსიონერი გაზრდილ პენსიას მიიღებს. ამისთვის 30 მილიონი ლარია წელიწადში დამატებით საჭირო, რაც უკვე გათვალისწინებულია ბიუჯეტში. ამასთან, პენსიონერებისთვის გამოყოფილია ერთ-ერთი საუკეთესო სამედიცინო სადაზღვევო პაკეტი, რის შედეგადაც გაიზარდა პენსიონერთა სიცოცხლის ხანგრძლივობა. წელიწად-ნახევრის განმავლობაში, 703 ათასზე მეტი პენსიონერი გვყავს, მათი რიცხვი 17 ათასით გაიზარდა”,-  აცხადებსჯანდაცვის მინისტრის მოადგილე ზაზა სოფრომაძე.

ეს ის შემთხვევაა, როცა ზრდა სულაც არ ნიშნავს ზრდას –  თუ ლარის მსყიდველობით უნარს გავითვალისწინებთ, გაზრდილი პენსია გაცილებით ნაკლებია ვიდრე თუნდაც 3-4 წლის წინანდელი 150 – ლარიანი პენსია – ასეთი განწყობაა ამ ცვლილების მიმართ პენსიონერებისა და მათი ოჯახის წევრებში, მთავრობა და მასთან დაახლოებული ექსპერტები კი ამ საკითხს ჯიუტად უვლიან გვერდს.