თუ მინისტრთა კაბინეტი ცალხრივად იტყვის უარს ადრე  ნაკისრ ვალდებულებებზე, ამას შეიძლება აფახზეთის წინააღმდეგ სერიოზული სანქციები მოჰყვეს – განაცხადა ოკუპირებული აფხაზეთის პრემიერ–მინისტრმა არტურ მიქვაბიამ  ეკონომიკური საკითხებისადმი მიძღვნილ პრესკონფერენციაზე სოხუმში.

მთავრობის მეთაურმა ქვეყნის ეკონომიკაში არსებული სიტუაცია დაახასიათა როგორც უკიდურესად რთული, რაც განპირობებულია როგორც გარე , ისე შიდა ფაქტორებით – წერს სააგენტო აბხაზია–ინფორმი.

ზემოთ ხსენებული  საშიშროება  გამოითქვა ,,როსნეფტთან’’ გართულებული ურთიერთობის  საკითხის კონტექსტში, შეგახსენებთ, რომ ,,როსნეფნტმა’’ აფხაზეთში ნავთობის საძიებო სამუშაოებზე უკვე დახარჯა სამი მილიარდი რუსული რუბლი და, თუ აფხაზეთის ხელისუფლება დაჰყვა საზოგადოებისა და პოლიტიკური ოპოზიციის მოთხოვნებს და უარი თქვა აფხაზეთში ნავთობის მოპოვებაზე, ,,როსნეფტმა’’ შეუძლია  მისგან ამ ფულის დაბრუნება  მოითხოვოს.

პრემიერის მთელი გამოსვლა გამსჭვალული იყო განწყობით, რომელიც მთელ აფხაზეთს არის მოდებული რუსეთის მხრიდან აფხაზთა ინტერესების უგულვებელყოფის, მსგავსი შანტაჟისა  და დაპირებული ეკონომიკური დახმარების შეუსრულებლობით.