„ამაზე მსჯელობა შეიძლება, მაგრამ მიმაჩნია, რომ ისედაც ბევრი უქმე დღე გვაქვს,“ – ასე გამოეხმაურა დღეს პარლამენტის თავმჯდომარე დავით უსუფაშვილი საქართველოს პრეზიდენტის ინიციატივას კონსტიტუციის დღე უქმედ გამოცხადდეს
ეს ინიციატივა პრეზიდენტმა , კონსტიტუციის დღისადმი მიძღვნილ საზეიმო მიღებაზე გაახმოვანა და აღნიშნა, რომ ეს კიდევ უფრო ხაზს გაუსვამს თითოეული მოქალაქის კუთვნილებას ამ დოკუმენტის მიმართ.
"მე დარწმუნებული ვარ, რომ თითოეული ჩვენთაგანი, სწორედაც, რომ კონსტიტუციის პოპულარიზაციის მიზნით, მისი საერთო სახალხო დოკუმენტად გახდომის მიზნით, ამ საქმიანობაში აქტიურად ჩაებმება", – აღნიშნა პრეზიდენტმა.