სავალუტო ჯიხურებში დოლარის ფასმა ლართან მიმართებაში 2,39 ლარს მიაღწია. ვალუტის გადამცვლელ ჯიხურებში დოლარის ყიდვა 2,36 – 2,39 ლარად არის შესაძლებელი, ხოლო გასაყიდი ფასი 2,35 – 2,36 ლარში მერყეობს. ვალუტის გადამცვლელები ამბობენ, რომ მუშაობა პრაქტიკულად არ აქვთ, რადგან, მათი აზრით, მოსახლეობა ვალუტის გადაცვლისგან თავს იკავებს. არსებული ინფორმაციით, ბაზარზე ამერიკული დოლარის დეფიციტიცაა. რაც შეეხება ევროს, სავალუტო ჯიხურებში ერთი ევროს ყიდვა 2,73 – 2,75 ლარად არის შესაძლებელი. გასაყიდ ფასს რაც შეეხება, ის 2,69 ლარს შეადგენს. ეროვნული ბანკის მიერ დადგენილი, ოფიციალური გაცვლითი კურსი დოლართან მიმართებაში დღეისთვის 2,33 ლარს, ევროსთან მიმართებაში კი 2.63 ლარს შეადგენს. ახალი ოფიციალური კურსი დღის ბოლოსთვის  დადგინდება.