სენაკის საკრებულოს თავმჯდომარე ხვიჩა ჯიშკარიანი ,,რუსთავი 2'' – თვის მიცემულ ინტერვიუში მასზე მიმდინარე ზეწოლაზე საუბრობს. დღეს მან გააკეთა განცხადება, რომ გარკვეული ძალები მისგან გადადგომას ითხოვენ და ეს იმ პოლიტიკური ბრძოლის ნაწილია, რომლის ინიციატორები პირადად პრემიერმინისტრი,სამეგრელო-ზემო სვანეთის გუბერნატორი და პარლამენტის დეპუტატები არიან.
დღევანდელი განცხადება მოულოდნელი აღმოჩნდა ბევრისთვის, მათ შორის სენაკის მაჟორიტარი დეპუტატის გურამ მისაბიშვილისათვის, რომელიც საკრებულოს თავმჯდომარის ბრალდებებს კატეგორიულად უარყოფს.
სენაკში ნაციონალური მოძრაობის წევრებმა პრესკონფერენცია გამართეს. მათ საკრებულოში არსებულ შიდაპარტიულ დაპირისპირებაზე ისაუბრეს, ნაცვლად იმისა, რომ სენაკის პრობლემებს მიხედონ, ისინი კლანური ინტერესებით არიან დაკავებულნი. – ითქვა პრესკონფერენციაზე.