წუხელ მოსულმა წვიმამ ფშაველი-აბანო-ომალოს გზის რამდენიმე უბანზე მიწის ნაშალი და ქვა-ღორღი ჩამოიტანა და თუშეთის რამდენიმე სოფელი გარესამყაროს მოწყვიტა, მიმდინარეობს გაწმენდითი სამუშაოები, თუმცა კვლავ საავტომობილო გზების დეპარტამენტში ჯერჯერობით ვერ ასახელებენ რამდენ დღეში შეძლებენ გზის გახსნას.
ძლიერი და გადაუღებელი წვიმის გამო გარესამყაროს მოწყვეტილიარაჭის რამდენიმე სოფელიც , განსაკუთრებით მძიმე ვითარებაა ონის მუნიციპალიტეტის სოფელ დიდ და პატარა ღებში. წვიმამ მთლიანად დაანგრია ხიდი და საავტომობილო გზა.
სტიქიამ ონში სახურავები გადახადა რამდენიმე სახლს და ადმინისტრაციულ შენობას. მოთხრილია მრავალწლიანი ნარგავები. დიდი ხე დაეცა ბაგა ბაღს . ასევე გაწყდა ელექტროსადენები და სოფლებს რამდენიმე საათის განმავლობაში არ მიეწოდებოდა ელექტროენერგია, თუმცა ინტენსიური სამუშაოების შედეგად ამ დროისათვის ეს პრობლემა აღმოფხვრილია.
ზარალის რაოდენობა დგინდება, მუშაობს შესაბამისი კომისია.
.