მთავარისიახლეებისპორტიUEFA-მ ზვიად სიჭინავას 10 წლიანი კონტრაქტი შესთავაზა

UEFA-მ ზვიად სიჭინავას 10 წლიანი კონტრაქტი შესთავაზა

Published on

გადავა თუ არა ზვიად სიჭინავა სამუშაოდ UEFA-ში? გამოცემა PRIMETIME -ს ინფორმაციით, ევროპული ფეხბურთის მმართველმა ორგანომ ზვიად სიჭინავას სამსახური შესთავაზა უეფაში, თანაც საკმაოდ ხანგრძლივი კონტრაქტით. აღნიშნულ შემოთავაზებაზე თანხმობის შემთხვევაში უეფა ზვიად სიჭინავასთან 10 წლიან კონტრაქტს გააფორმებს, სწორედ ასეთი პირობა შესთავაზეს სიჭინავას ნიონიდან. ზვიად სიჭინავა უეფა განსაკუთრებულად ენდობა. „უეფა სიჭინავას რომ ენდობა, ეს დიდი ხანია ცნობილია. სწორედ მისი უდიდესი დამსახურებაა ის, რომ საქართველოს დედაქალაქმა, თბილისმა, რამდენიმე დღის წინ უეფას სუპერთასს უმასპინძლა. მასპინძლობაცაა და მასპინძლობაც. თავად უეფას წარმომადგენლები, მოწვეული მაღალი რანგის სტუმრები, კლუბები და უბრალო გულშემატკივრები, ერთხმად აღიარებენ იმას, რომ ამ ივენთმა საკმაოდ მაღალი ქულები მოუტანა საქართველოს უცხოელების თვალში. გახსნის ცერემონიალიდან დაწყებული, უმნიშვნელო დეტალით დასრულებული, ყველაფერი უმაღლეს დონეზე იყო შესრულებული. სფფ-სთან ერთად, სუპერთასის ორგანიზებაში სახელმწიფოც გახლდათ ჩართული“ – წერს გამოცემა PRIMETIME.
სუპერ თასის ფინალის შემდეგ საქართველოს ფეხბურთის ფედერაციის პრეზიდენტმა ზვიად სიჭინავამ თანამდებობიდან წასვლის შესახებ განაცხადა. მისი სიტყვებით, „ვფიქრობ, დღეს საუკეთესო დღეა, რომ განვაცხადო – მე მართლა მივდივარ და სადღაც 1 კვირის განმავლობაში გამოვაცხადებ არჩევნების დღეს. როგორც დიდ ფეხბურთშია, ნებისმიერი ადამიანი უნდა წავიდეს თავის პიკზე. დღეს იყო ჩემი პიკი. მე ვარ ის ადამიანი, რომელმაც დაღუპა ქართული ფეხბურთი, მაგრამ დღეს იყო ზეიმი. ძალიან მოხარული ვარ. მინდა გითხრათ, რომ ჩემი საფეხბურთო ბუცები კედელზე ჩამოვკიდე. ფეხბურთი სიჭინავას გარეშე!”. ფეხბურთის ფედერაციაში არჩევნები 3 ოქტომბრისთვისაა ჩანიშნული. ზვიად სიჭინავა საკუთარი კანდიდატურის დაყენებას არ აპირებს. არსებული ინფორმაციით, პრეზიდენტობის სურვილი სფფ-ის ყოფილ პრეზიდენტს მერაბ ჟორდანიას აქვს. კულუარული ინფორმაციით, არჩევნებში ხელისუფლების ფავორიტი ლევან კობიაშვილი იქნება და ამბობენ, რომ გამარჯვების დიდი შანსი სწორედ შალკეს ყოფილ ფეხბურთელს აქვს.
 
ავტორი: ლევან კალანდია

სიახლეები

რა ხდება მოსკოვში, ბალაშიხაში, სადაც დიდი ქიმიური ქარხანა იწვის [ვიდეო]

მოსკოვში ცეცხლი გაჩნდა ბალაშიხას ქიმიურ ქარხანაში, რომელიც ერთ-ერთი უდიდესია რუსეთში. ხანძრის კერა, სავარაუდოდ, საწყობში...

არა მგონია, წალენჯიხაში მოეწონოთ, ტრუსიკიანმა კაცმა “ფერარით” რომ გაიშხუილა – არქიმანდრიტი დოროთე

არქიმანდრიტი დოროთე ყურაშვილი წალენჯიხაში კახა კალაძის ჩასვლაზე საკვირაო ქადაგების დროს ისაუბრა და ამასთან დაკავშირებით...

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...