ორი ავტოსაგზაო შემთხვევა მოხდა დღეს ზუგდიდში. სოფელ ხამისკურში, ოპელის მარკის მსუბუქი ავტომობილი ორ, მოტოციკლეტით მყოფ ახალგაზრდას შეეჯახა. შეჯახების შედეგად ადგილზე გარდაიცვალა ნიკუშა ნარმანია, ხოლო მეორე მასთან მყოფი დავით შამათავა სხეულის სხვადასხვა დაზიანებებით ზუგდიდის რეფერალურ საავადმყოფოში გადაიყვანეს. კლინიკის მორიგე ექიმის თეა კვარაცხელიას განმარტებით, შამათავას მთავლობითი დაზიანებები აღენიშნებოდა, რის შედეგადაც ის ქუთაისში, კატასტროფის ცენტრში რეანომობილით გადაიყვანეს. მორიგე ექიმის თქმით, დაშავებულის მდგომარეობა სტაბილურად მძიმეა. OdishiNews – ის წყაროს ცნობით, დაკავებულია პირი, რომელიც ოპელის მარკის ავტომობილს მართავდა. მძღოლი საჭესთან ფხიზელი იჯდა
ავტოსაგზაო შემთხვევა მოხდა ასევე დღეს ანაკლიაში. ცენტრალურ მაგისტრალზე ერთმანეთს ორი ავტომანქანა და ერთი მიკროავტობუსი შეეჯახა. სხეულის მცირე დაზიანებები მიიღეს მიკროავტობუსში მსხდომმა უცხო ქვეყნის მოქალაქეებმა. მათი მდგომარეობა სტაბილურია და ამ დრომდე ზუგდიდის რეფერალურ საავადმყოფოში რჩებიან. როგორც თვითმხილველები აცხადებენ, ავტოსაგზაო შემთხვევა საგზაო წესების დარღვევამ და გადაჭარბებულმა სისწრაფემ გამოიწვია.