ითამაშებს თუ არა თბილისში ლიონელ მესი სუპერ თასის ფინალის მატჩზე? ამბობენ, რომ მესი და ნეიმარი თბილისურ თამაშს გამოტოვებენ, თუმცა ფეხბურთის გულშემატკივრებს სჯერათ, რომ ორივე ფეხბურთელი 11 აგვისტოს მატჩისთვის მზად იქნებიან სათამაშოდ. განსაკუთრებით ქართველ გულშემატკივრებ ეიმედებათ, რომ ბარსელონა ძირითადი შემადგენლობით გავა მოედანზე. 11 აგვისტოს ბარსელონას შეუძლია ერთ წელიწადში მეექვსე ტიტული მოიპოვოს და ამით საკუთარი რეკორდი გაიმეოროს. წინასწარი გათვლებით, წელს მესი ოქროს ბურთის უალტერნატივო მფლობელია, ამიტომაც მას რჩება ერთი ბოლო ტრიუმფი და ეს თბილისის სუპერთასის ფინალია, სადაც ჩემპიონთა ლიგის გამარჯვებული ბარსელონა ერვოპალიგის თასის მფლობელს სევილიას დაუპირისპირდება. ესპანური გამოცემების ცნობით, ლეო მესი ფორმაში შესასვლელად განსაკუთრებულად ემზადება, მან საზაფხულო შვებულება დროზე ადრე შეწყვიტა და ინტენსიურად ვარჯიშობს. ასე, რომ სპორტულ გამოცემებს თუ დავეყრდნობით, ლეო მესი და ნეიმარი თბილისში აუცილებლად ჩამოვლენ, მეტიც, ისინი ძირითად შემადგენლობაშიც იქნებიან. ქართველ გულშემატკივრებს კი საშუალება ექნებათ ბრწყინვალე თამაში საკუთარ სამშობლოში იხილონ. ფინალური მატჩი ადგილობრივი დროით 22:45 დაიწყება.