დაიწყება თუ არა კოალიცია ქართულ ოცნებაში საკადრო წმენდა? საპარლამენტო არჩევნების მოახლოებასთან ერთად კოალიცია რეგიონებში გასვლას იწყებს იმისთვის, რომ შეამოწმოს ხალხის განწყობა და პოზიცია. აღნიშნულს ადასტურებს ისიც, რომ ცოტა ხნის წინ შედგა კოალიციის პოლიტიკური საბჭოს შეხვედრაც, სადაც სავარაუდოდ საუბარი იყო წინასაარჩევნო პერიოდზე, პარტიულ სიებზე ა.შ არსებული ინფორმაციით, ახალ საარჩევნო სიებში ბევრი დღევანდელი პოლიტიკური სახე არ იქნება – საუბარია მსახიობებზე და სპორტსმენები. გავრცელებული ცნობით, ყოფილი პრემიერ-მინისტრი ბიძინა ივანიშვილი უკმაყოფილოა არსებული სახელისუფლებო გუნდით და ღიად გამოხატავს უკმაყოფილებას. როგორც ამბობენ, აქცენტი ახალ სახეებზე კეთდება და ამისთვის აქტიური მუშაობა მიმდინარეობს. რეგიონებში გასვლას კოალიცია შემოდგომიდან, კერძოდ სექტემბრიდან გეგმავს. ადგილზე სიტუაციის გაცნობის შემდეგ კი სიებზე მუშაობაც დაიწყება. აღნიშნულ პროცესს კი სავარაუდოდ დიდი დაპირისპირებაც მოჰყვება, საბოლოო სიტყვა და შესაბამისად გადაწყვეტილებაც დიდი ალბათობით ბიძინა ივანიშვილზე იქნება. ამასთან, სულ უფრო მეტს საუბრობენ იმაზე, რომ წინასაარჩევნოდ ირაკლი ღარიბაშვილი და კახა კალაძე თავიანთი ხალხის გაყვანას შეეცდებიან.