წუხელ ამოვარდნილმა ქარმა და დიდმა ნალექმა კახეთის რამდენიმე რაიონი დააზარალა. ადგილობრივების ინფორმაციით, ძლიერი წვიმის შედეგად ახაშენის ხევი ადიდდა და სანიაღვრე არხებმა, რომლებიც დიდი ხანია არ გაწმენდილა, წყალი ვერ გაატარა.
სოფელ ახაშენში დატბორილია საცხოვრებელი სახლების პირველი სართულები და სარდაფები, წყალმა დაფარა სოფელ ახაშენში გამავალი სარკინიგზო მაგისტრალი. მარტო სოფელ სანავარდოში 25 საცხოვრებელი სახლი სახურავის გარეშე დარჩა.
დაზიანებულია სასოფლო – სამეურნეო სავარგულები, დაისეტყვა ვენახები და საზამთროს ბაღები გურჯაანის, თელავისა და ყვარლის რაიონებში. ოჯახების დიდი რაოდენობა სარჩოს გარეშე დარჩა. ძლიერმა ქარმა მოგლიჯა ხეები ლოპოტის მიმდინარე ტერიტორიაზე, სოფელ გავაზში ჩაიხერგა ცენტრთან დამაკავშირებელი გზა
მიმდინარეობს გზების გაწმენდითი და დატბორილ სახლებში შევარდნილი წყლის ამოტუმბვითი სამუშაოები. ზარალს კომისიები ითვლიან.