ევროკავშირი ოკუპირებულ ტერიტორიასთან პირობითი საზღვრის გადმოწევას ეხმაურება

0
356

 

10:04 16-07-2015

,ევროკავშირი და მისი სადამკვირვებლო მისია ყურადღებით ადევნებს თვალყურს სიტუაციას. დაძაბულობის შემცირების მიზნით, ჩვენ თავშეკავებისა და არსებული- ჟენევის საერთაშორისო მოლაპარაკებები და ინციდენტების პრევენციისა და მათზე რეაგირების მექანიზმების გამოყენებისკენ მოვუწოდებთ.

ევროკავშირი კიდევ ერთხელ ადასტურებს საქართველოს ტერიტორიული ერთიანობის მხარდაჭერას მის საერთაშორისოდ აღიარებულ საზღვრებში", – ასე ეხმაურება ევროკავშირი  რუსეთის საოკუპაციო ძალების მიერ ახალგორის რაიონის  სოფელ ორჭოსანსა და წითელუბნის მიმდებარე ტერიტორიაზე ე.წ. საზღვრის აღმნიშვნელი ბარიერების უკანონოდ აღმართვას.

 
განცხადების თანახმად, ადმინისტრაციულ საზღვართან ახალი სადემარკაციო ნიშნების აღმართვამ რეგიონში დაძაბულობა გამოიწვია, რასაც ნეგატიური გავლენა ექნება ადგილობრივ მოსახლეობაზე, მათ საცხოვრებელ პირობებსა და გადაადგილების თავისუფლებაზე. 

თავიდან უნდა იქნას აცილებული  ნებისმიერი მსგავსი პროვოკაციული ქმედება, რომელიც აფერხებს ვითარების სტაბილიზაციაზე  მიმართულ ძალისხმევას.- ნათქვამია გაცხადებაში 

შეგაახსენებთ, რომ 11 ივლისს რუსეთის შეიარაღებულმა ძალებმა გორის მუნიციპალიტეტის სოფელ წითელუბნისა და ახალგორის მუნიციპალიტეტის სოფელ ორჭოსანის მიმდებარე ტერიტორიაზე, თბილისი-გორის ცენტრალური ავტომაგისტრალის სიახლოვეს ე.წ. საზღვრის აღმნიშვნელი ბანერები აღმართეს. თბილისის მიერ არაკონტროლირებად ტერიტორიაზე მოექცა 10 ათასი ჰექტარი მიწა და ბაქო-სუფსის ნავთობსადენის მონაკვეთი.

წინა სტატიასაერთაშორისო ექსპერტებმა თბილისის მერთან კატასტროფათა რისკის შემცირების სამომავლო ღონისძიებებზე იმსჯელეს
შემდეგი სტატიაარსებული ინფორმაციით, შსს -მ ლელა წურწუმიას მეუღლე ნარკოტიკების შემოტანის ფაქტზე დააკავა
ტელეკომპანია ოდიშის საინფორმაციო სამსახური